Topaketa honen helburua Urdaibaiko eskualdean erreferenteak diren pertsonen talde batek emandako informazioa eta analisiak biltzea zen, gero Urdaibairi buruzko kasu-azterketa egiteko ardura izango duen taldeak input gisa erabil ditzan informazio eta analisi horiek. Horretarako, gai hauek landu ziren: a) eskualdearen diagnosia egitea, eta lurraldearen egungo eta etorkizuneko bizitzan eragina duten arazo nagusiak identifikatzea; b) mapatzea zer eragilek dituzten proiektuak lurraldean eragiteko, aukera alternatiboak proposatzeko kezkatik abiatuta.