COP25 Madrilen​ zela aitzakiatzat hartuta, eta giza eskubideen alde diharduten pertsonek egindako lana agerian jartzeko, “Lurraldea kolokan: mehatxuak eta erresistentziak Cabo Delgadon (Mozambike)​” eta Cajamarcari buruzko “Meatzaritzarik gabe, bizitzak badu etorkizuna” (Kolonbia) dokumentalak erakutsi ziren Garapenerako Nazioarteko Lankidetzako Espainiako Agentziaren (AECID) egoitzan. Dokumentalak ikusi ondorengo solasaldian Vasco Coelho eta Emérita Cuéllar aritu ziren, biak ala biak «Gatazka-egoeran dauden lurraldeak» proiektuko kideak.