LURRALDEAK

Online prestakuntza

Curso Territorios en Conflicto. Inscripción

2. edizioa. Ikastaroaren aurkezpena

GATAZKAN DAUDEN HERRIALDEAK.
Aukerak, ikuspegi partekatuak eta prozesu kolektiboak eraikiz.

Gizarteek elkarrekin bizitzeko eta beren lurraldeari eta etorkizunari buruzko erabakiak hartzeko gaitasuna dute. Alabaina, ekintza transnazionalak eta haren zerbitzura dagoen botere-harremanen sistemak zaildu egiten dute bizitza eta etorkizun hobe bat izateko beharrezkoa den jabetze eta ahalduntze kolektiborako prozesua.

Nazioarteko ikastaro honek tresnak eskaintzen ditu, lurraldeetan proiektu alternatibo propioak bilatzeko dauden aurrerapausoak eta zailtasunak esploratzeko. Helburua ez da proposamen zehatzak eskaintzea, baizik eta eusten ari diren eta planetarekin iraunkorrak diren bizitza-alternatibak eraikitzeko borrokan ari direnei laguntzea.

Ikerketa teorikoaren bidezko ahaleginetik eta hiru lurraldetako (Urdaibai-Euskal Herria; Cajamarca/Tolima eta Caquetá-Kolonbia; eta Maputo eta Cabo Delgado-Mozambike) ekintzan oinarritutako esperientziatik abiatuta, zenbait unibertsitatetako eta gizarte-erakundetako irakasleek eta ekintzaileek aldaketa-prozesuen konplexutasuna aztertzea proposatzen dizuegu. Nagusi den sistemarekiko kritikoak diren elementu kontzeptualak aztertuko ditugu, eta ikuspegi alternatiboak eta proposamen sozialak nahiz politikoak azalduko ditugu, lurralde bakoitzera mugatuak. Ikastaro honek, gainera, honako proposamen hauek ere egiten ditu: tokiko borroken markoa testuinguru globalean aztertzea, topaketarako guneak sortzea eta nazioarteko sareak sendotzea. Laburbilduz, prestakuntzarako espazio birtual honen bidez, lurraldeak, pertsonak, kontakizunak eta alternatibak konektatu nahi ditugu.

Edukiak

0. Modulua: Ikastaroaren aurkezpena. Alfonso Dubois (EHU), otsailak 01 – 07

1. Modulua: Alternatiba-proposamena gaitasunen ikuspegitik abiatuta: kontzeptuak eta analisi-markoa. Alfonso Dubois (EHU), otsailak 08 – 14

2. Modulua: Hegoaldeko epistemologiak eta bizitza-alternatiba feministak. Teresa Cunha (Coimbrako Unibertsitatea), otsailak 15 – 21

3. Modulua: Lurraldeen despatriarkalizaziorako eta deskolonizaziorako eta bizitza-sarearen aldeko proposamen feministak. Ekofeminismoa. Yolanda Jubeto eta Mertxe Larrañaga (EHU), otsailak 22 – 28

4. Modulua: Gatazka eta bizi-alternatibak. Bakea eraikitzeko apunteak. Maria Oianguren (Gernika Gogoratuz), martxoak 01 – 07

5. Modulua: Botere politikoa eraikitzen: Gatazkan dauden lurraldeen ikaskuntzak. Jokin Alberdi (Gernika Gogoratuz, EHU) martxoak 08 – 14

6. Modulua: Botere korporatiboa lurraldeei lapurretan. Megaproiektuei herri erresistentzia egiteko gakoak. Gonzalo Fernandez (OMAL) martxoak 15 – 21

7. Modulua: Kolonbiako testuinguruaren analisitik ateratako gakoak. Miguel Espinosa (Tolimako Unibertsitatea), Octavio Villa Peláez (Universidad de la Amazonia) eta Emerita Cuellar (Gernika Gogoratuz), martxoak 22 – 28

8. Modulua: Mozambikeko testuinguruaren analisitik ateratako gakoak. Isabel Casimiro (Eduardo Mondlane Unibertsitatea) eta Vasco Coelho (Gernika Gogoratuz), martxoak 29 – apirila 4

9. Modulua: Euskal testuinguruaren analisitik ateratako gakoak. Xabier Arana Eiguren (Gernika Gogoratuz) apirilak 05 -11

Ikastaroaren hartzaileak

Ekintza transnazionalak eta plan desarrollistak beren lurraldeetan izaten ari diren eraginari aurre egiten ari diren graduko eta graduondoko ikasleentzat, gizarte-erakundeetako aktibistentzat eta GGKEentzat.

Proposatutako ikastarorako aldez aurretiko ezagutzak

Ez da unibertsitate titulurik eskatzen, baina curriculuma kontuan hartuko da, ikastaroak eskatzen duen maila betetzen den ala ez baloratzeko. Komunitate garapen edota politika sozialen arloan egindako lana baloratuko da, baita egindako edo bidean dauden unibertsitate ikasketak ere. Beren lurraldeetan prozesu kolektibo edota alternatiben eraikuntzarekin konpromisoa duten pertsona guztiei zuzenduta dago.

Hizkuntzak

Gaztelania / Portugesa / Euskara

Proposatutako iraupena (asteak) eta lan-karga / asteko ikasketa denbora (orduak):

2021/02/01tik 2021/04/11ra

Guztira: 10 aste / 60 ordu

Izen-ematea

2020/12/27a baino lehen.

Doako ikastaroa/Plaza mugatuak

Izen-ematea

Vasco Coelho (Ikastaroaren koordinatzaile exekutiboa)
[email protected]

Materiala

Modulu bakoitzerako gidak, irakaskuntza-materiala, ikus-entzunezkoak eta irakurgaiak emango dira, foro irekiak jarriko dira interakziorako, eta aplikazioa EHUren eCampuseko eGelapi plataformaren bidez ebaluazioa egiteko.