Cabo Delgado – Mozambique

Mozambiken, Cabo Delgadonzehazki, herrialdearen iparraldean, eraldaketa ekonomiko eta sozial handiak garatzen ari dira. Horiek pertsonen bizitza eta landa-eremuaren egoera kaltetzen ari dira, eta ez dira kontuan hartzen tokiko komunitateen beharrizanak.

Cajamarca – Kolonbia

Tolimako lurraldea paisaia-mosaiko batez osatua dago. Horietako bakoitzak bertan egonkortutako herrien presentzia, eta historian zehar natur baliabideak erabilitako herrien presentzia adierazten du. Lurraldetasun berriak sortu dira han eta hemen. Denak izan dira Kolonbiako gizartearen eraketaren inguruko indarkeriazko ekintzen emaitza, salbuespenik gabe.

Urdaibai – Euskadi

Urdaibaiko Biosferaren Erreserban eta Busturialdean (Euskadi) hauteman daitezkeen ingurumen, gizarte, kultur eta genero arloko arazoak kontuan izanda, elkartegintzaren inguruan sortzen ari diren erresistentziak eta aukerak ikus ditzakegu.

Maputo – Mozambike

Maputok, Mozambikeko hiriburuak, 1.200.000 biztanle inguru ditu. Hiri-problematika desberdina da berez, eta analisirako bestelako gakoak ekartzen ditu horrek, Gatazka-egoeran dauden lurraldeak proiekturako. “Kapitala/bizitza” dikotomiaren kontraesanak, Maputon zeharo agerikoak direnak, XXI. mendeko kapitalismoaren berezko beste arlo baten adierazpena dira.

Caquetá – Kolonbia

El Doncello, Amazoniako Caquetá departamenduko udalerria, planeta osoko ur-fabrika garrantzitsuenetako bat da. Herrialdeko kautxu ekoizlerik handiena da. Erresistentzia sozial baketsuen gune historikoa izan da, aktore armatuen agertokia, eta azken urteetan, han kokatu nahi izan dute konpainia estraktibistek; esaterako Ecopetrol-ek, petrolioaren enpresa kolonbiarrak.